آج کا دن کیسا رہےگا؟17 ستمبر2018

Today11

حمل(Aries)
آج اپنے ستاروں کے مثبت سے سے فائدہ اٹھانے کی کوششوں کے ساتھ ساتھ موجودہ مواقع سے بہترین نتائج حاصل کرنے کی جانب بھی خاص توجہ دینا ہوگی۔ آج پیدا ہونے والے وسائل کی وجہ سے آپ اپنے مؤخر شدہ منصوبوں کو تکمیل کی منزل تک پہنچانے میں کامیابی حاصل کرسکیں گے۔

ثور(Taurus)

آج آپ کے ستارے اس بات کا مشورہ دے رہے ہیں کہ اگر آج آپ کو اپنے کسی ذاتی منصوبے کے بارے میں شکوک و شبہات کا سامنا ہو تو اسے ملتوی کردیں جبکہ اپنی صحت کے بارے میں مسائل سامنے آنے کی وجہ سے آپ پریشان بھی ہوسکتے ہیں حالانکہ یہ سب وقتی ہوگا۔

جوزا (Gemini)

آج آپ کو اپنے ساتھ کام کرنے والے افراد اور اپنے سینیئرز کے ساتھ کسی بھی قسم کی بحث و تکرار میں مبتلا نہیں ہونا چاہیئے کیونکہ اس طرح سے آپ کی عزت و وقار میں کمی آسکتی ہے۔ اس کے علاوہ آج صبر و تحمل کے ساتھ ہی اپنے مسائل کو حل کرنے میں کامیاب رہیں گے۔

سرطان (Cancer)

آج آپ کے ستارے اس بات کا اظہار کررہے ہیں کہ آج آپ کسی ایسی کامیابی کے پیچھے ہوں گے جس کی وجہ سے کسی سفر کیلئے جانا لازم ہوسکتا ہے اور آپ کی خاص معقول رقم بھی خرچ ہوسکے گی۔ اس کی وجہ سے آپ کو مالی طور پر تو کوئی فائدہ نہ ہوگا لیکن آپ کی پیار بھری زندگی عروج پر پہنچ جائے گی۔

اسد (Leo)

آج آپ کے ستارے یہ کہہ رہے ہیں کہ آج دوسروں سے متاثر ہوئے بغیر اپنے مستقبل کا لائحہ عمل تیار کرکے بہترین کامیابی کا حصول ممکن بنانے کا موقع مل سکے گا جبکہ اپنی نئی کاروباری سرگرمیوں کے باعث دوسروں سے آگے بھی نکل سکیں گے۔

سنبلہ (Virgo)

آج آپ بہت سے معاملات میں مصروف ہوسکتے ہیں لیکن ان سب کے باوجود اپنے کام کے دوران آپ دوسروں سے بہتر کارکردگی کا مظاہرہ کرسکیں گے۔ اس کے علاوہ آج خود کو پریشان کرنے کی کوئی بظاہر وجہ نہ ہوگی اسی لئے پرسکون اور بااعتماد رہنے کی کوشش کریں۔

میزان (Libra)

آج آپ کے ستارے یہ بتا رہے ہیں کہ آج آپ کو اپنی ذرائع آمدنی بڑھانے کے مواقع میسر آسکیں گے۔ اس کے علاوہ آج صبح ہی میں آپ کو کہیں سے ایک خاص معقول رقم کا حصول ممکن ہوسکتا ہے یہ رقم آپ کی مالی حالت کو بہتر بنانے میں خصوصی کردار ادا کرے گی۔

عقرب (Scorpio)

آج اپنے فرائض کی انجام دہی کے دوران آپ کی کارکردگی کچھ ایسی متاثر کن رہے گی کہ آپ کے سینیئرز کے علاوہ ساتھ میں کام کرنے والے افراد بھی آپ کی صلاحیتوں کے معترف ہوں گے جبکہ کچھ اور وجوہات پر احباب آپ کی عزت افزائی پر مجبور ہوں گے۔

قوس (Sagittarius)

آج آپ کے ستارے اس بات کی خوشخبری سنا رہے ہیں کہ آج آپ کو اپنے طے شدہ معاملات کو اپنی مرضی کے مطابق نمٹانے کا موقع ملے گا جبکہ اپنے منصوبوں کو تکمیل منزل تک پہنچانے اور ادھورے کاموں کو مکمل کرنے کے لئے مواقع میسر آسکیں گے۔

جدی (Capricorn)

آج آپ کے ستارے اس بات کا اظہار کررہے ہیں کہ آج کسی مقامی سفر کی منصوبہ بندی کرکے اپنی کاروباری کامیابیوں کو مستقل کرسکیں گے۔ اس کے علاوہ آپ کو اپنے جذبات پر قابو رکھتے ہوئے اپنے کاروباری پارٹنر کے ساتھ کسی بھی قسم کی بحث و تکرار سے بچنا ہوگا ورنہ معاملات بگڑ سکتے ہیں۔

دلو (Aquarius)

آج دن کے آغاز سے اپنے اندر ایک الگ ہی طاقت اور قوت کو محسوس کریں گے جس کی وجہ سے آپ کی جذباتی کیفیت کچھ اس طرح کی ہوگی کہ جیسے آپ ہی ایک سپر اسٹار ہیں کیونکہ آپ کے ستارے آپ کی بہترین مدد اور خیر خواہی کے لئے بالکل تیار ہیں۔

حوت (Pisces)

آج آپ کے ستاروں کی پوزیشن آپ کو اس بات کا مشورہ دے رہی ہے کہ آج پانی مختلف پریشانیوں کا حل تلاش کرنے یا اپنی موجودہ الجھنوں کو سلجھانے کے لئے اپنی مصروفیات میں سے تھوڑا بہت وقت ضرور نکالیں کیونکہ آپ کے تمام تر منصوبے صرف اور صرف آپ ہی کی ذات پر منحصر ہوں گے۔

نوٹ: یہ محض تفریحی بنیادوں پر پیش کیا جارہا ہے۔ حقیقت کا اس سے کوئی تعلق نہیں ہے۔

 

loading...
loading...