آج کی ریسیپی : مزیدار قیمہ بھرے کریلے

kk

:اجزاء

قیمہ۔۔۔۔۔۔۔۔۔۔۔۔۔۔۔۔۔۔۔۔۔۔۔ ایک کلو

کریلے۔۔۔۔۔۔۔۔۔۔۔۔۔۔۔۔۔۔۔۔۔۔ آدھا کلو

پیاز۔۔۔۔۔۔۔۔۔۔۔۔۔۔۔۔۔۔۔۔۔۔۔۔ دو عدد

لہسن۔۔۔۔۔۔۔۔۔۔۔۔۔۔۔۔۔۔۔۔۔۔ پندرہ سے اٹھارہ جَوے

تیل۔۔۔۔۔۔۔۔۔۔۔۔۔۔۔۔۔۔۔۔۔۔۔۔ حسبِ ضرورت

نمک۔۔۔۔۔۔۔۔۔۔۔۔۔۔۔۔۔۔۔۔۔۔۔ حسبِ ذائقہ

پسی ہوئی لال مرچ۔۔۔۔۔۔۔۔۔۔۔۔ حسبِ ذائقہ

ہلدی۔۔۔۔۔۔۔۔۔۔۔۔۔۔۔۔۔۔۔۔۔۔ ایک چائے کا چمچ

پسی ہوئی ادرک۔۔۔۔۔۔۔۔۔۔۔۔۔۔ دو چائے کے چمچ

:ترکیب

٭ سب سے پہلے کریلوں پر کٹ لگا کر ان کے اندر سے تمام بیج نکال کر اچھی طرح صاف کرلیں۔

٭ اب ان پر نمک لگا کر کچھ دیر کے لئے رکھ دیں تاکہ کڑواہٹ دور ہوجائے۔

٭ اب ایک پتیلی میں گھی گرم کرکے اس میں قیمہ بھون لیں۔ بھر اس میں نمک، لال مرچ، ہلدی، پیاز، لہسن اور ادرک ملا کر بھون لیں۔

٭ اب اس میں تھوڑا سا پانی ڈال کر اس وقت تک بھونیں جب تک قیمہ گل نہ جائے، پھر پانی خشک ہونے کے بعد اس وقت تک بھونیں جب تک وہ تیل نہ چھوڑ دے۔

٭ اب نمک لگے کریلوں کو اچھی طرح دھو کر بھنا ہوا قیمہ اس میں بھریں اور دھاگہ لپیٹ دیں۔

٭ اب ان کریلوں کو کڑاہی میں ڈال کر تَل لیں۔

٭ اب جو قیمہ بچ جائے اسے ایک پتیلی میں ڈال کر قیمہ بھرے کریلے بھی اسی میں ڈال دیں۔

٭ اب دس سے پندرہ منٹ کے لئے دم پر رکھ دیں اور پھر ڈھکن ہٹالیں۔

٭ خوش ذائقہ قیمہ بھرے کریلے تیار ہیں۔

loading...
loading...