پینتالیس کروڑ ڈالرز کی پینٹنگ کا مالک سعودی شہزادہ نکلا

فائل فوٹو

فائل فوٹو

ریکارڈ قمیت پر نیلام ہونے والی پینٹنگ کا پراسرار مالک سعودی شہزادہ نکلا۔ شہزادہ بابر بن عبداللہ بن محمد بن فرحان السعود کی45کروڑڈالرز میں خریدی گئی پینٹنگ ایک طیارے سے بھی زیادہ مہنگی ہے۔

نیویارک میں اٹلی کے آرٹسٹ لیونارڈو ڈی ونچی  کی پینٹنگ سیلواٹر منڈی گزشتہ ماہ ریکارڈ قمیت پر نیلام ہوئی ،جس کا خریدار سامنے آگیا۔

سعودی شہزادے بابر بن عبداللہ بن محمد بن فرحان السعود نے 500 سال پرانی پینٹنگ45 کروڑ ڈالر میں خریدی۔

یہ پینٹنگ  دبئی کے طیارے سے زیادہ مہنگی ہے جس کی قیمت 43 کروڑ ڈالر ہے۔

اگر اس پینٹنگز کی رقم کو روہنگیا مسلمانوں پر صرف کیا جاتا تو اقوام متحدہ کی جانب سے امداد کی اپیل پوری ہوجاتی۔

روہنگیا مسلمانوں کیلئے اقوام متحدہ نے عالمی برادری سے 12 لاکھ ڈالر امداد کی اپیل کی تھی۔