آج کی ریسیپی : کلاسِک کلب سینڈوچ

11

اجزاء:

چکن بریسٹ بون لیس                   ایک عدد

نمک                                      حسبِ ذائقہ

سفید مرچ پاؤڈر                         آدھا چائے کا چمچ

کالی مرچ پاؤڈر                         آدھا چائے کا چمچ

سویا سوس                              ایک چائے کا چمچ

لیموں کا رس                          ایک چائے کا چمچ

مسٹرڈ پیسٹ                            آدھا چائے کا چمچ

ادرک لہسن کا پیسٹ                  آدھا چائے کا چمچ

آئل                                      ایک چائے کاچمچ

سینڈوچ بریڈ                            تین سلائس

چیدڑچیز سلائس                       ایک عدد

انڈا                                     1 عدد

کھیرا،ٹماٹر،آئس برگ ،سلاد پتہ ،مایو نیز حسبِ ضرورت

ترکیب:

ایک پین میں چکن بریسٹ لیں اس میں نمک ، سفید مرچ پاؤڈر ،کالی مرچ پاؤڈر ،سویا سوس ،لیموں کا رس،،مسٹرڈپیسٹ اورادرک لہسن کا پیسٹ ڈال کر ملا لیں اور آئل ایک کھانے کا چمچ ڈال کرپھراچھی طرح ملائیں، اور پندرہ سے بیس منٹ تک فریج میں رکھ دیں۔

اب گِرل پین پر تیل لگا لیں اورتیارچکن کو گِرل کر لیں۔

پھر تین عدد سینڈوچ بریڈ کو گِرل پین پر ہلکا سا گرم کر لیں اور ان تینوں کی ایک طرف مایو نیز لگا لیں۔

ایک سلائس پر سلاد پتہ، ٹماٹر سلائس اور چکن بریسٹ رکھ کر اس پر دوسری بریڈ رکھ دیں اب اس پر آئس برگ، کھیرا سلائس، سادہ فرائی کیا ہوا انڈا، چیز سلائس اور سلاد پتہ رکھ کر بریڈکا تیسراسلائس رکھ دیں۔

جب سینڈوچ تیار ہوجائے تو بریڈ کے کنارے کاٹ کر سینڈوچ کے  دو سے چار ٹکڑے کر لیں۔

آپ کا مزیدار کلا سک کلب سینڈوچ تیار ہے

loading...
loading...