آج کی ریسیپی : مزیدار نرگسی کوفتے

1

اجزاء:

بیف                               پانچ سوگرام

چنے کی دال                     دو سو گرام

نمک                              دو کھانے کے چمچ

ہلدی                              دو کھانے کے چمچ

ہری مرچ ثابت                  چھ عدد

لہسن                             10 گرام

ادرک                            20 گرام

ثابت لال مرچ                   15گرام

بڑی اِلائچی                     5عدد

ثابتدھنیا                       ڈیڑھ کھانے کا چمچ

دار چینی                      5 عدد

سفید زیرہ                    ڈیڑھ کھانے کے چمچ

انڈا                           آٹھ عدد

گرم مصالحہ               آدھا چائے کا چمچ

زیرہ پاؤڈر                 آدھا چائے کا چمچ

دھنیا پاؤڈر                ایک چائے کا چمچ

پیاز                        ایک عدد

پودینہ                      دو چائے کے چمچ

ہرا دھنیا                   دو چائے کے چمچ

آئل                         تین کھانے کے چمچ

سفید زیرہ ثابت           ایک چائے کا چمچ

ٹماٹر کا پیسٹ             200 گرام

لال مرچ پیسی ہوئی      ایک چائے کا چمچ

سفید زیرہ پیسا ہوا        آدھا چائے کا چمچ

ترکیب:

چنے کی دال کو آدھا گھنٹہ پانی میں بھگویں۔

اب ایک برتن میں چنے کی دال، بیف، نمک دو کھانے کے چمچ، ہلدی ڈیڑھ کھانے کے چمچ، ہری مرچ ثابت چار عدد، لہسن، ادرک، لال مرچ ثابت بیس گرام، بڑی اِلائچی، دھنیا ثابت ڈیڑھ کھانے کے چمچ، دار چینی پانچ عدد اورسفید زیرہ ثابت ڈیڑھ کھانے کے چمچ ڈال کر پچیس سے تیس مِنٹ تک دم دیں یہاں تک کہ بیف گل جائے۔

پھرآنچ تیز کر کے بھُونائی کر یں تاکہ پانی خشک ہو جائے ۔خشک ہونے پراِس کا قیمہ بنا لیں۔

اب انڈے دو عدد، گرم مصالحہ آدھا چائے کا چمچ، زیرہ پاؤڈر آدھا چائے کا چمچ، دھنیا پاؤڈرآدھا چائے کا چمچ، پیازایک عدد، ادرک کٹی ہوئی ڈیڑھ کھانے کا چمچ، پودینہ دو چائے کے چمچ اور ہرا دھنیا دو چائے کے چمچ ڈال کر اچھی طرح ملا لیں۔کباب مصالحہ تیار ہے۔

اب اُبلے ہوئے انڈوں پر کباب مصالحہ لگائیں اور لائٹ براؤن ہونے تک ڈیپ فرائی کر لیں۔ الگ برتن میں نکال لیں اور انڈوں کے چُھری سے دو ٹکڑے کر لیں۔

گریوی کے لیے ایک برتن میں آئل تین کھانے کے چمچ، پیازسوگرام، ہری مرچ دو عدد، اور زیرہ ثابت ایک چائے کا چمچ ڈال کر لائٹ براؤن ہونے تک فرائی کریں۔

پھر ادرک لہسن کا پیسٹ دو چائے کا چمچ، ٹماٹرکا پیسٹ، نمک حسبِ ذائقہ، ہلدی آدھا چائے کا چمچ، لال مرچ پیسی ہوئی ایک چائے کا چمچ اور سفید زیرہ آدھا چائے کا چمچ ڈال کر پانچ سے سات منٹ تک بُھونائی کریں۔گریوی تیار ہے۔

 ایک برتن میں گریوی نکال کر قیمے والے انڈے ڈال دیں۔آپ کے مزے دارنرگسی کوفتے تیار ہیں۔

loading...
loading...