آج کی ریسیپی : اسپیشل قیمہ بھرے پراٹھے

qeema'

اشیاء:

آٹا۔۔۔۔۔۔۔۔۔۔۔۔۔۔۔۔۔۔۔۔۔۔ ایک کلو

قیمہ باریک۔۔۔۔۔۔۔۔۔۔۔۔۔۔۔ ایک کلو

پیاز۔۔۔۔۔۔۔۔۔۔۔۔۔۔۔۔۔۔۔۔۔ 100 گرام

مرچ سبز۔۔۔۔۔۔۔۔۔۔۔۔۔۔۔۔۔ 6 عدد

دھنیا سبز۔۔۔۔۔۔۔۔۔۔۔۔۔۔۔۔ تھوڑا سا

زیرہ سیاہ چائے کا۔۔۔۔۔۔۔۔۔۔ آدھا چمچ

مرچ سیاہ چائے کا۔۔۔۔۔۔۔۔۔۔ آدھا چمچ

گھی۔۔۔۔۔۔۔۔۔۔۔۔۔۔۔۔۔۔۔۔ حسب ضرورت

مرچ سرخ۔۔۔۔۔۔۔۔۔۔۔۔۔۔۔۔ حسب ذائقہ

نمک۔۔۔۔۔۔۔۔۔۔۔۔۔۔۔۔۔۔۔۔ حسب ذائقہ

ترکیب:

٭ آٹے میں تھوڑا سا نمک ملائیں اور پانی ڈال کر اچھی طرح گوندھ لیجئے اور ایک گھنٹہ تک چھوڑ دیں۔

٭ قیمے کو سِل پر باریک پیس کر اس میں نمک، مرچ سرخ، مرچ سبز، مرچ سیاہ، دھنیا، سبز، زیرہ سیاہ، ادرک اور پیاز باریک پیس کر شامل کر لیجئے۔

٭ آٹے کے چھوٹے چھوٹے پیڑے بنا لیجئے اور انہیں بیل کر رکھ لیجئے۔

٭ ایک پیڑا بیل کر رکھیے اور اس پر قیمے کی تہہ جما کر اوپر دوسرا بیلا ہوا پیڑا رکھ دیجئے اور کناروں کو اچھی طرح دبا دیجئے تاکہ قیمہ باہر نہ نکل سکے۔

اب اس کو روٹی کی طرح بڑا کر کے سیدھے گرم توے پر ڈالیے اور دونوں طرف گھی لگائیے۔

٭ دونوں طرف سے سرخ ہو جانے پر اتار لیجئے۔

٭ اوپر گھی یا مکھن لگا کر گرم گرم تناول فرمائیے۔

٭ نہایت لذیذ قیمے والے پراٹھے تیار ہیں۔

loading...
loading...