آج کا دن کیسا رہے گا؟ 3 جنوری 2018

فائل فوٹو

فائل فوٹو

حمل(Mar21-April19)
آج آپ کے لئے اپنے مقرر کردہ اہداف کے حصول کے علاوہ کسی نئے منصوبے کا آغاز کرنے کے لئے آپ بہت پرعزم ہوسکتے ہیں جبکہ مالی دشواریاں آپ کی راہ روکنے کے لئے سامنے آسکتی ہیں۔ اپنی مالی مشکلات سے نجات کے لئے اپنی تخلیقی صلاحیتوں پر اعتماد کرنا ہوگا تاکہ باآسانی رقوم کا بندو بست کرسکیں۔

ثور(April20-May20)

آج آپ کے پاس موقع کے ساتھ قابلیت بھی ہے جس سے اپنے بارے میں غیر معمولی اہمیت کے فیصلے کر سکیں گے اور یقینی طور پر جب یہ فیصلے دوسروں کی نظر سے گزریں تو آپ کے بارے میں تعریفی کلمات ادا کئے جائیں گے اور داد و تحسین کے پھول بھی نچھاور کئے جائیں گے۔

جوزا (May21-June21)

آج آپ کے ستارے یہ کہہ رہے ہیں کہ آپ ایک طویل عرصے سے کسی ایک فرد کے بارے میں کوئی فیصلہ کرنے میں ناکام رہے ہیں اور اسی تذبذب میں وقت گزرتا رہا کہ اصل بات کیا ہے؟ اس فرد کا تعلق آپ کی جذباتی زندگی سے ہوسکتا ہے لیکن آپ کو اندازہ بھی نہ ہوگا کہ آپ حیران کن طور پر کامیاب ہوسکیں گے۔

 سرطان (June22-July22)

آج ستاروں کے اثرات کی وجہ سے کئی قسم کی جذباتی حالت سے واسطہ رہ سکتا ہے جس میں دوسروں کی باتوں پر ضرورت سے زیادہ شدید ردعمل کا اظہار بھی کرسکتے ہیں۔ اپنے کاروباری معاملات میں بھی کچھ ایسا ہی کرسکتے ہیں لیکن یہ سب کچھ نہ تو آپ کو زیب دیتا ہے اور نہ ہی آپ کے لئے مناسب ہے۔

 اسد (July23-Aug22)

آج آپ کے ستارے یہ بتارہے ہیں کہ آج آپ دن کے آغاز سے ہی کسی قسم کے دباؤ یا ذہنی الجھاؤ کا شکار نظر آسکتے ہیں۔ ایسے میں سب سے بڑی احتیاط آپ کو قابو میں رکھنا ہوتا ہے جس کی وجہ سے آپ اپنی ہر مشکل کو سلجھا سکتے ہیں اور آج بھی کچھ ایسا ہی ہوگا۔

سنبلہ (Aug23-Sep22)

آج آپ کے لئے اپنی سرگرمیوں کو آگے بڑھانے اور اپنی ذہانت سے بھرپور لطیف احساسات کے اظہار کے لئے بہت سے مواقع سامنے آئیں گے جس کی وجہ سے اپنے آپ کو متحرک کرسکیں گے۔ اپنے پارٹ ٹائم کاروبار یا ملازمت سے آپ کو معقول رقم کا حصول ممکن ہوسکے گا۔

 میزان (Sep23-Oct22)

آج آپ کے ستارے اس بات کی جانب اشارہ کررہے ہیں کہ آج آپ کسی ایسے منافع بخش کاروبار کا آغاز کرسکتے ہیں جس میں آپ کی کامیابی کا گراف دوسروں کی نسبت بہت بلند ہوگا۔ اس کے علاوہ اس سے آپ اپنے خاندان کے لئے بہترین حالات پیدا کرنے کی کوشش کریں گے۔

 عقرب (Oct23-Nov21)

آج آپ کو اپنے تمام تر معاملات اور پیار نبھرے جذبات کے لئے خود کو متحرک کرنا لازمی ہوگا۔ اس کے علاوہ اپنے آپ کو حالات سے فائدہ اٹھا کر نئی منزل کے لئے تیار رکھیں۔ کسی قسم کی بھی بات کو آگے بڑھانے کے لئے ہر بات کو طے کریں اور اس کے حصول کے لئے خود کو تیار رکھیں۔

قوس (Nov22-Dec22)

آج آپ کے لئے ضروری ہے کہ خود کو اپنے نظریات اور حالات سے ہم آہنگ کرنے کی کوشش کریں۔ اگر کہیں سے آپ کی توقعات کے برعکس کسی بھی طرح کا تحفہ وصول ہوتا ہے تو اس کے بارے میں کسی غلط فہمی کا شکار نہ ہوں کیونکہ وہ کسی اور کے لئے بھی ہوسکتا ہے۔

 جدی (Dec23-Jan19)

آج آپ بے حد پر امید ہوسکتے ہیں ساتھ ہی آپ کی تصوراتی کیفیات بھی عروج پر ہوں گی جس کی وجہ سے آپ بہت جذباتی نظر آئیں گے لیکن اس کے ساتھ ساتھ اپنی مالی حالت کی کمزوری کی وجہ سے کچھ پریشان بھی ہوسکتے ہیں کیونکہ مطلوبہ مالی وسائل ناکافی ہوں گے۔

دلو (Jan20-Feb18)

آج آپ کی تخلیقی صلاحیتیں آپ کو فنکارانہ سرگرمیوں کے لئے پرجوش اور سرگرم عمل کرسکیں گے۔ اس کے علاوہ آج اگر کسی نئے کاروباری اور پیشہ وارانہ امور کی شروعات کرنے کا موقع ملے تو اس سے بھرپور فائدہ حاصل کریں۔ آج خود کو متحرک کرنے کے لئے کھیلوں کی سرگرمیوں میں بھی حصہ لیں۔

حوت (Feb19-Mar20)

آج اپنے معاملات میں کامیابی حاصل کرنے کے لئے اپنی وجدانی کیفیات سے بھرپور استفادہ اٹھاسکیں گے اس کے علاوہ اپنے دوستوں اور ساتھ کام کرنے والے افراد کی مدد اور عملی کوششوں سے بھی کامیابی کی راہیں اپنا سکیں گے۔ اس کے علاوہ آج آپ کو کسی تقریب میں شرکت کی دعوت بھی مل سکتی ہے۔

نوٹ: ستاروں کا یہ حال محض تفریحاً پیش کیاجاتا ہے۔ اس پر عقیدت رکھنا یا اسے سچ ماننا صحیح نہیں۔ 

صحیح المسلم حدیث نمبر193۔ کتاب الایمان باب کفر من قال مطرنا بالنوء کے مطابق یہ کفر ہے۔

loading...
loading...