آئی سی سی اجلاس ،باری کے بجائے ذاکر خان شریک ہونگے

لاہور : انٹرنیشنل کرکٹ کونسل کے چیف ایگزیکٹیو بورڈ کے اجلاس میں وسیم باری کے بجائے ذاکر خان شرکت کریں گے۔جنوبی افریقہ کے دارالحکومت کیپ ٹاوٴن میں انٹرنیشنل کرکٹ کونسل کے چیف ایگزیکٹو بورڈ کا دو روزہ اجلاس چیف ایگزیکٹیو ہارون لورگارٹ کی زیر صدارت ہو گا، جس میں پی سی بی کے چیف آپریٹنگ آفیسر وسیم باری نے شرکت کرنا تھی لیکن چیئرمین بورڈ اعجاز بٹ نے ان سے اختلافات کی بناء پر ڈائریکٹر انٹرنیشنل کرکٹ آپریشنز ذاکر خان کو بھیجنے کا فیصلہ کیا ہے۔ ذرائع کا دعوی ہے کہ وسیم باری کو چیئرمین کا اعتماد حاصل نہیں رہا، یہی وجہ ہے کہ انہوں نے لارڈز میں موجودگی کے باوجود اسپاٹ فکسنگ اسکینڈل سامنے آنے کے بعد کچھ نہیں کیا اور دو ستمبر کو چپ چاپ واپس آ گئے۔