یوایس اوپن ،اعصام مکسڈ ڈبلز کے فائنل میں

واشنگٹن : پاکستان کے ٹینس اسٹار اعصام الحق امریکا میں جاری یو ایس اوپن کے مکسڈ ڈبلز کے فائنل میں پہنچ گئے ہیں۔ وہ پہلے پاکستانی ہیں جو گریند سلیم ٹینس کے فائنل میں پہنچنے میں کامیاب ہوئے ہیں۔اعصام الحق اور چیک ری پبلک کی کویتا پیشکے کی جوڑی نے مکسڈ ڈبلز میں اینا لینہ اور مارک نولس کو سات چھ ، سات چھ سے شکست دے کر فائنل کے لیے کوالیفائی کیا ہے۔ اس سے پہلے اعصام الحق اور بھارتی ٹینس اسٹار روہن بوپتا کی جوڑی نے دنیائے ٹینس کے دوسرے بڑے ٹورنامنٹ کے مینز ڈبلز کے ایونٹ کے سیمی فائنل کے لیے بھی کوالیفائی کیا۔ پاک بھارت جوڑی نے عالمی نمبر دس ویسلی موڈی اور ڈک نورمین کی جوڑی کو کوارٹر فائنل میں سات پانچ اور سات چھ سے شکست دے دی۔ اعصام الحق اور روہن بوپنا راوٴنڈ میچ میں عالمی نمبر دو جوڑی کو پہلے ہی شکست دے چکے ہیں۔