اعجازبٹ کولیڈرکا کردارادا کرنا چاہیے تھا، لاسن

سڈنی: قومی ٹیم کے سابق کوچ جیف لاسن نے کہا ہے کہ پاکستان کرکٹ اپنی تاریخ کے بدترین بحران سے دوچارہے۔ مشکل وقت میں چیئرمین پی سی بی اعجازبٹ کولیڈرکا کردارادا کرنا چاہیے تھا لیکن وہ چھپتے پھررہے ہیں۔جیف لاسن کا کہنا ہے کہ اسپاٹ فکسنگ اسکینڈل منظرعام پرآنے کے بعد پاکستان کرکٹ کومضبوط لیڈرشپ کی ضرورت تھی لیکن اعجازبٹ پرسرارطورپرمنظرسے غائب ہوگئے یہاں تک کے اس معاملے پران کا کوئی بیان بھی سامنے نہیں آیا۔ لاسن نے کہا کہ اس مشکل وقت میں پاکستان کوایسے مضبوط لیڈرکی ضرورت تھی جوآگے جانے کا راستہ دکھاسکے لیکن اعجازبٹ اس میں ناکام رہے۔ سابق آسٹریلوی فاسٹ بالرنے سلمان بٹ کے حوالے سے کہا کہ انہوں نے قیادت سنبھالنے کے بعد نوجوان ٹیم کیساتھ اچھی کارکردگی دکھائی اوراگربٹ پراسپاٹ فکسنگ کا الزام ثابت ہوگیا توانہیں شدید دھچکا لگے گا۔ لاسن کا کہنا ہے کہ پاکستان کرکٹ اپنی تاریخ کے بدترین بحران سے دوچارہے۔ آصف، عامراورسلمان بٹ کے کیس کی تحقیقات بہت اہم ہیں امید ہے کہ حالات جلد بہترہوجائیں گے۔