ٹی ٹوئنٹی:قومی ٹیم کا انتخاب تیرہ رکنی اسکواڈ سے ہوگا

لاہور: انگلینڈ کے خلاف دو ٹی ٹونٹی میچز کیلئے حتمی پلینگ الیون کا انتخاب تیرہ رکنی اسکواڈ سے کیا جائے گا جبکہ ون ڈے سیریز کیلئے قومی ٹیم کا اعلان بعد میں ہوگا۔لاہور میں پی سی بی کے ترجمان کے مطابق انگلینڈ میں اسپاٹ فکسنگ کے الزام میں ملوث تین کرکٹرز سلمان بٹ،محمد آصف اور محمد عامر کے بارے میں اسکاٹ لینڈ یارڈ پولیس تفتیش کر رہی ہے لہذا تینوں پلئیرز کو ئی ٹوئنٹی میچوں کیلئے اسکواڈ میں رکھا نہیں گیا۔ ٹیم مینجمنٹ نے وہاں موجودہ بورڈ کے چیئرمین اعجاز بٹ سے مشاورت کرکے انگلینڈ کے خلاف پانچ اور سات ستمبر کو کارڈیف میں ہونے والے دو ٹی ٹونٹی میچز کیلئے سولہ کے بجائے تیرہ رکنی اسکواڈ کو ہی برقرار رکھنے کا فیصلہ کیا ہے۔ترجمان کے مطابق فی الحال ان تینوں پلیئرز کی جگہ کسی کھلاڑی کو طلب نہیں کیا گیا ہے،دس ستمبر سے شروع ہونے والی پانچ ون ڈے میچوں کی سیریز کیلئے قومی اسکواڈ کا اعلان بعد میں کیا جائے گا۔