کھلاڑی بے قصور ہیں، واجد شمس الحسن

لندن: برطانیہ میں پاکستانی ہائی کمشنر واجد شمس الحسن نے کہا ہے کہ کھلاڑی بے قصور ہیں، ذہنی تناوٴ کے باعث خود میچز کھیلنا نہیں چاہتے، تینوں کھلاڑی انگلینڈ میں ہی رہیں گے۔سلمان بٹ، محمدعامر اورمحمد آصف نے لندن میں پاکستانی ہائی کمیشن میں واجد شمس الحسن سے ملاقات کی۔ ملاقات میں ایڈیشنل اٹارنی جنرل کے کے آغا اورپی سی بی کے قانونی مشیرتفضل رضوی بھی موجود تھے۔ چیئرمین پی سی بی اعجازبٹ نے مصروفیت کی وجہ سے میٹنگ میں شرکت نہیں کی۔ کھلاڑیوں اورہائی کمشنرکے درمیان ملاقات تقریباً ڈھائی گھنٹے تک جاری رہی۔ واجد شمس الحسن نے ملاقات کے بعد میڈیا سے بات چیت کرتے ہوئے بتایا کہ کھلاڑی ذہنی تناؤ کا شکارہیں اس لئے انہوں نے خود کہا ہے کہ انہیں میچزکے لئے ٹیم میں شامل نہ کیا جائے۔ انہوں نے بتایا کہ تحقیقات مکمل ہونے تک تینوں کھلاڑی انگلینڈ میں ہی رہیں گے۔ ایک سوال پرواجد شمس الحسن نے بتایا کہ تینوں کھلاڑیوں کے پاسپورٹ ٹیم مینجمنٹ کے پاس ہیں جبکہ ایف آئی اے کی ٹیم تحقیقات کے لئے نہیں آرہی۔