سمر یوتھ اولمپکس: قومی جونیئر ہاکی ٹیم کا اعلان

لاہور: سنگا پور میں ہونے والی پہلی سمر یوتھ اولمپکس کے لئے سولہ رکنی قومی جونیئر ہاکی ٹیم کا اعلان کر دیا گیا۔نیشنل ہاکی اسٹیڈیم لاہور میں چیف سلیکٹر حنیف خان کی سربراہی میں قومی سلیکشن کمیٹی نے ستائیس کھلاڑیوں کی کارکردگی کا جائزہ لے کر سولہ رکنی ٹیم کا اعلان کیا۔ کاشف شاہ کپتان اور محمد عمیر نائب کپتان ہوں گے، دیگر چودہ کھلاڑیوں میں مظہر عباس، عدنان شکور، عامر سلطان، محمد رضوان، عامر عاشق،محمد صہیب، محمد عدنان، محمد سلمان، علی شان، محمد عرفان، ارسلان قادر،عثمان اسلم، احمد زبیر اور علی حسن فراز شامل ہیں۔ چیف کوچ خواجہ جنید نے قومی ٹیم کو متوازن قرار دیتے ہوئے کہا ہے کہ ایونٹ کافی ٹف ہے تاہم دفاع اور اٹیک میں بہترین پرفارمنس دکھا کر ٹیم اچھے نتائج دے سکتی ہے۔قومی ٹیم کا تربیتی کیمپ آٹھ اگست تک لاہور میں جاری رہے گا اور دس اگست کو اسکواڈ اولمپکس میں شرکت کے لئے سنگاپور جائے گا۔