ریال میڈرڈ کے اسٹرائیکرراؤل گونزالیز کلب سے رخصت

میڈرڈ: اسپینش ٹیم کے سابق کپتان اورریال میڈرڈ کے باصلاحیت اسٹرائیکرراؤل گونزالیز پرنم آنکھوں کیساتھ کلب سے رخصت ہوگئے۔میڈرڈ میں ہونے والی الوداعی تقریب میں ریال میڈرڈ کے صدرفلورینٹینو پیریزنے راؤل کوخراج تحسین پیش کرتے ہوئے کہا کہ سانتیاگوبرنابیواسٹیڈیم ہمیشہ ان کا گھررہے گا۔ اپنے بہترین گول کی ویڈیودیکھ کر راؤل کی آنکھوں میں آنسوآگئے۔ راؤل نے انیس سوبانوے میں ریال میڈرڈ کلب کوجوائن کیا تھا۔ راؤل سولہ سیزن تک ریال میڈرڈ سے منسلک رہے اوراس دوران انہوں نے اپنی ٹیم کوچھ لا لیگا ٹائٹل جتوانے میں اہم کرداراداکیا۔ راؤل نے سات سواکتالیس میچوں میں تین سوتئیس مرتبہ گیند کوجال میں پہنچایا۔ اسپینش اسٹرائیکر کا کہنا ہے کہ وہ ریال میڈرڈ کے سپورٹرزکی محبت کوکبھی فراموش نہیں کرسکیں گے۔