پی ایچ ایف: بقایاجات کی عدم ادائیگی پر مظاہرہ

لاہور: پاکستان ہاکی فیڈریشن کے سابق اکاونٹنٹ نے بقایاجات کی ادائیگی کے لئے ہاکی اسٹیڈیم کے سامنے اہل خانہ کے ہمراہ مظاہرہ کرتے ہوئے کہا ہے کہ رقم ادا نہ کی گئی تو بچوں کو ایدھی سینٹرکے حوالے کردوں گا۔یہ ہیں کراچی کے مرزا امتیاز بیگ جس نے اپنی عمر کی دو دہائیاں پاکستان ہاکی فیڈریشن میں صرف کیں۔ امتیاز بیگ کا کہناہے کہ پی ایچ ایف کی موجودہ انتظامیہ نے انہیں ان کی بیس سالہ خدمات کا صلہ بے بنیاد الزامات کے بعد برطرفی کی صورت میں دیا اور مرے کو سو دروں کے مصداق، بقایاجات بھی روک لئے گئے۔ امتیاز بیگ کے مطابق اس نے ناانصافی کے خلاف ہر دروازے پر دستک دی لیکن کہیں سے انصاف نہیں ملا۔ ہاکی فیڈریشن ورلڈ کپ میں قومی ٹیم کی بدترین کارکردگی کا ذمے دار تو کھلاڑیوں کو ٹھراکر بری الذمہ ہورہی ہے لیکن موجودہ انتظامیہ اپنے استاف سے کتنی مخلص ہے اس کی ایک مثال امتیاز بیگ ہے۔