آصف باجوہ کو مستعفی ہو جانا چاہئے، رانا فاروق

اسلام آباد: وفاقی وزیر ٹیکسٹائل اور ہاکی انکوائری کمیٹی کے سابق کنوینئر رانا فاروق سعید کا کہنا ہے کہ ہاکی کی بہتری کیلئے آصف باجوہ کو مستعفی ہو جانا چاہئے۔راولپنڈی اسلام آباد اسپورٹس جرنلسٹس ایسوسی ایش کی طرف سے منعقدہ میٹ دی پریس سے خطاب میں رانا فاروق سعید نے کہا کہ پاکستان میں کھیلوں کا شعبہ تباہ حالی کا شکار ہے، گزشتہ انکوائری کمیٹی نے جو سفارشات پیش کی تھیں ان میں سے کچھ پر عمل ہوا ہے ۔ ان کا کہنا تھ کہ ہاکی کو اسکول اور کالج کی سطح پر فروغ دینے کے لئے تاحال کچھ نہیں کیا گیاجس کے باعث پاکستان ہاکی کو یہ دن دیکھنا پڑا۔رانا فاروق کا کہنا تھا کہ پی ایچ ایف میں صدر، جنرل سیکرٹری، ایسوسی ایٹ سیکرٹری اور خزانچی کے شعبے اہم ہیں جن کی نمائندگی ملک بھر سے ہونی چاہئے مگر موجودہ فیڈریشن میں یہ تمام عہدے دار پنجاب سے ہیں۔