اعصام کی جونیئر کھلاڑیوں کو کوچنگ

لاہور: ہانگ کانگ کے خلاف پاکستان کو ڈیوس کپ ٹائی جتوانے والے ٹینس اسٹار اعصام الحق نے لاہور میں جونیئر کھلاڑیوں کی کوچنگ کی۔باغ جناح لاہور کے ٹینس کورٹ میں کوچ رشید ملک کے ساتھ اعصام الحق نے جونیئر پلیئرز سامر افتخار، فیضان خرم اور اوشنا سہیل کو ٹینس کی ٹپس دیں اور ان کے ساتھ کھیلتے رہے۔ اعصام الحق کا کہنا تھا کہ جونیئر کھلاڑی با صلاحیت ہیں، مناسب کوچنگ اور پریکٹس سے یہ ان کی جگہ لے سکتے ہیں۔ آئی ٹی ایف کی عالمی رینکنگ میں پاکستان کے ٹاپ جونیئر پلیئر سامر افتخار نے کہا کہ اعصام الحق کی ٹپس سے ان کے کھیل میں نکھار آئے گا۔جونیئر کھلاڑی سامر افتخار، اعصام الحق کے کزن ہیں اور وہ اپنی گیم میں بہتری لا کر پاکستان کی نمائندگی کرنے کے خواہشمند ہیں۔