کراچی: میراتھن واک کا انعقاد

کراچی: پاکستان میڈیکل ایسوسی ایشن کے تحت کراچی میں اکیس ویں میراتھن اور واک کا انعقاد کیا گیا۔ میراتھن کا موضوع آنکھوں کی بیماریاں اور بنیادی انسانی حقوق تھا۔ ریس کا آغار پی ایم اے ہاوٴس گارڈن سے ہوا۔ میراتھن میں خصوصی بچوں ، ڈاکٹرز ، پیرامیڈیکل اسٹاف سمیت دیگر شعبوں کے افراد بھی شریک ہوئے۔ ریس کے شرکاء پی ایم اے ہاوس سے شارع قائدین، شہید ملت روڈ، شارع فیصل اور شاہین کمپلیکس سے ہوتے ہوئے واپس پی ایم اے ہاؤس پہنچے۔ واک کی قیادت صوبائی وزیر کھیل محمد علی شاہ کررہے تھے۔ اس موقع پر انہوں نے کہا کہ اس طرح کی تقریبات سے صحت مند معاشرے کے قیام میں مدد ملے گی۔ واک شرکاء کا کہنا تھا کہ معاشرے اور انسانی ذہن سے دہشت گردی اور بدامنی کے اثرات ختم کرنے کے لیے اس طرح کے پروگرام ہوتے رہنے چاہئیں۔