چیپل ہیڈلی سیریز میں آسٹریلیا فتحیاب

ویلنگٹن: نیوزی لینڈ نے آسٹریلیا کوپانچویں اورآخری ون ڈے میں اکیاون رنزسے شکست دیدی، آسٹریلیا نے چیپل ہیڈلی سیریزتین دوسے جیت لی۔ویلنگٹن میں کھیلے جانیوالے ڈے اینڈنائٹ میچ میں آسٹریلیا نے ٹاس جیت کرکیوی ٹیم کوبیٹنگ کی دعوت دی۔ میزبان ٹیم کی ابتدائی تین وکٹیں پچیس کے مجموعی اسکورپرگرگئیں۔ برینڈن میککلم ایک ،مارٹن گپٹل سات اورشینن اسٹیورٹ چھ رنزبناسکے۔ اسکاٹ اسٹائرس نے روس ٹیلرکے ساتھ چوتھی وکٹ کی شراکت میں ترپن اورکپتان ڈینیئل ویٹوری کے ہمراہ پانچویں وکٹ کی شراکت میں اڑسٹھ رنزجوڑکرٹیم کومشکلات سے نکالا۔ کیوی ٹیم نے مقررہ پچاس اوورزمیں نووکٹوں پردوسواکتالیس رنزبنائے۔ اسٹائرس نے پچپن رنزکی اننگزکھیلی۔ ڈیرل ٹفی نے چھتیس اورروس ٹیلرنے تیس رنزبنائے۔ مچل جانسن اورکلنٹ نے دودووکٹیں حاصل کیں۔ ہدف کے تعاقب میں آسٹریلوی بیٹسمین کیوی بالرزکے سامنے جم کرنہ کھیل سکے اورپوری ٹیم سینتالیسویں اوورمیں ایک سونوے رنزپرڈھیرہوگئی۔ شین واٹسن ترپن اورمائیک ہسی چھیالیس رنزکے ساتھ نمایاں رہے۔ ٹم ساوٴتھی نے چاراورشین بونڈ نے چارچاروکٹیں حاصل کیں۔