ہاکی ورلڈ کپ جیتنا ہدف نہیں تھا، خالد بشیر

فیصل آباد: برطرف قومی سلیکشن کمیٹی کے رکن سابق اولمپیئن خالد بشیر کا کہنا ہے کہ ورلڈ کپ جیتنا ہدف نہیں تھا، اصل ٹارگٹ نومبر میں ہونے والی ایشیئن گیمز میں گولڈ میڈل کا حصول ہے۔فیصل آباد میں آج نیوز سے خصوصی گفتگو کرتے ہوئے خالد بشیر نے کہا کہ سلیکشن کمیٹی نے ایسی ٹیم کا چناؤ کیا تھا کہ وہ ورلڈ کپ میں اچھا کھیل پیش کرے۔ انہوں نے کہا کہ میگا ایونٹ جیتنے کی کوئی خواہش نہ تھی تاہم یہ امید نہ تھی کہ کھلاڑی اس حد تک مایوس کن کارکردگی دکھائیں گے۔خالد بشیر کا کہنا تھا کہ ورلڈ کپ میں ناقص کارکردگی کے ذمے دار سینئر کھلاڑی ہیں۔ ان کا کہنا تھا کہ پوری ٹیم کی جانب سے ریٹائرمنٹ کا اعلان مناسب فیصلہ نہیں، اس سلسلے میں ہاکی فیڈریشن کو اپنا کردار ادا کرنا چاہئے۔