کھیلوں کا فروغ ضروری ہے، معین خان

کراچی: قومی کرکٹ ٹیم کے سابق کپتان معین خان کا کہنا ہے کہ قوموں کی ترقی کے لیے تعلیم کے ساتھ کھیلوں کا فروغ بھی ضروری ہے۔ کراچی میں بقائی یونیورسٹی کے ہفتہ کھیل کی افتتاحی تقریب کے موقع پر آج نیوز سے گفتگو کرتے ہوئے معین خان نے کہا کہ صحت مند معاشرے میں نسابی کے ساتھ غیر نصابی سرگرمیاں بھی ضروری ہیں۔ انہوں نے کہا کہ اسپورٹس فیسٹول ایک اچھا موقع ہوتا ہے جس میں طلبا اپنی صلاحیتوں کا مظاہرہ کرسکیں۔ معین خان نے کہا کہ منتظمین کا اقدام قابل تحسین ہے۔ بقائی یونیورسٹی کے وائس چانسلر فرید الدین بقائی نے کہا کہ وہ طلبا کو مثبت سرگرمیوں کے لیے بھرپور مواقع فراہم کرتے رہیں گے۔اسپورٹس فیسٹول کے پہلے روز رسہ کشی ، والی بال اور وومینز کرکٹ کے بھی مقابلے ہوئے جس میں طلبا و طالبات نے پرجوش انداز میں حصہ لیا۔ اسپورٹس فیسٹول اٹھارہ مارچ تک جاری رہے گا۔