کیویز کیخلاف آسٹریلوی ٹیم کا اعلان

کینبرا: نیوزی لینڈ کے خلاف دوٹیسٹ میچوں کی سیریزکے لئے چودہ رکنی آسٹریلوی اسکواڈ کا اعلان کردیا گیا۔نائب کپتان مائیکل کلارک کی نجی مصروفیات کے سبب سیریزمیں شرکت مشکوک ہے۔مائیکل کلارک نجی مصروفیات کے سبب ون ڈے سیریزادھوری چھوڑکروطن واپس چلے گئے تھے۔ آسٹریلوی سلیکٹرزنے انہیں چودہ رکنی اسکواڈ میں توشامل کرلیا ہے لیکن ٹیسٹ سیریزمیں ان کی شرکت کے حوالے سے ابھی کچھ نہیں کہا جاسکتا۔ کرکٹ آسٹریلیا کے ترجمان مائیکل براوٴن کے مطابق وہ کلارک کے ساتھ مسلسل رابطے میں ہیں اورانہیں امید ہے کہ وہ انیس مارچ سے شروع ہونے والی ٹیسٹ سیریزمیں آسٹریلیا کی نمائندگی کریں گے۔ آسٹریلوی سلیکٹرزنے نیوساوٴتھ ویلزکے بیٹسمین اسٹیون اسمتھ اورریان ہیرس کوپہلی مرتبہ ٹیسٹ اسکواڈ میں شامل کیا ہے جبکہ مارکس نارتھ بھی ٹیم میں جگہ بنانے میں کامیاب ہوگئے ہیں۔ فاسٹ بالرپیٹرسڈل اوربین ہالفن ہاس انجریزکے سبب اسکواڈ میں جگہ نہ بناسکے۔