آصف نے وینا کورقم واپس کردی

لاہور: ٹیسٹ کرکٹر محمد آصف نے اداکارہ وینا ملک کو بتیس لاکھ روپے واپس کر دیئے۔ بقیہ رقم کی ادائیگی کے لئے ایک ہفتے کی مہلت مانگ لی۔ اداکارہ وینا ملک نے بتایا ہے کہ ٹیسٹ کرکٹر محمد آصف نے ان سے لی ہوئی بتیس لاکھ تینتالیس ہزار روپے کی رقم واپس کر دی ہے۔ ان کا کہنا تھا کہ محمد آصف نے یہ ادائیگی ڈرافٹ کے ذریعے کی جو ایک مشترکہ دوست کی رہائش گاہ پر ان کے حوالے کیا گیا۔ وینا ملک نے کہا کہ محمد آصف نے ابھی ان کے ایک کروڑ چوبیس لاکھ روپے مزید ادا کرنے ہیں، جس کے لئے انہوں نے ایک ہفتے کی مہلت مانگی ہے۔ اداکارہ نے کہا کہ اگر آصف نے وعدے کے مطابق رقم واپس نہ کی تو وہ قانونی کارروائی کریں گی۔