فٹبال ، پولو کیلئے ارجنٹائن سے کوچز آئینگے، جاکھرانی

اسلام آباد: وفاقی وزیر کھیل اعجاز جاکھرانی نے کہا ہے کہ فٹ بال اور پولو کی بہتری کیلئے ارجنٹائن سے کوچ پاکستان آئیں گے۔اسلام آباد میں ارجنٹائن کے سفیر رولڈیف کے ہمراہ میڈیا سے گفتگو میں اعجاز جاکھرانی نے بتایا کہ غیر ملکی کوچز کے ذریعے ضلعی سطح پر فٹ بال کا ٹیلنٹ تلاش کیا جائے گا۔ انہوں نے کہا کہ ارجنٹائن کی سیکنڈ کلاس ٹیم کو پاکستان آنے کی دعوت دی ہے۔ اس موقعے پر ارجنٹائن کے سفیر کا کہنا تھا کہ ہر قسم کے حالات میں ارجنٹائن کے کھلاڑی پاکستان آئیں گے اور آتے رہیں گے۔ انہوں نے کہا کہ اسکواش، بیڈمنٹن اور ہاکی کے شعبے میں پاکستان سے مدد کی درخواست کی ہے۔