پی سی بی کی تحقیقاتی کمیٹی نااہل ہے، جلال الدین

کراچی: سابق ٹیسٹ کرکٹر جلال الدین کا کہنا ہے کہ پی سی بی کی تحقیقاتی کمیٹی نااہل لوگوں پر مشتمل ہے سفارشات بے معنی ہوں گی۔ کراچی میں آج نیوز سے گفتگو کرتے ہوئے جلال الدین نے کہا کہ جن کے دامن خود داغدار ہیں وہ کسی کو انصاف کیا دیں گے۔ انہوں نے کہا کہ تحقیقاتی کمیٹی کے ایک رکن نے ٹیم میں گروپنگ کا آغاز کیا اب وہی شخص منصف بنے بیٹھے ہیں۔ انہوں نے کہا کہ کھلاڑیوں پر سخت پابندی اور جرمانے لگانے سے پہلے انصاف کے تمام تقاضے پورے کیئے جائیں۔ جلال الدین نے مزید کہا کہ پاکستان کر کٹ کو تباہی سے بچانے کے لیے پی سی بی کی موجودہ حکام کی تبدیلی لازمی ہوگئی ہے۔