صدر کا تمام سیاسی قوتوں کو ساتھ لیکر چلنے کا اعلان

کراچی: صدر زرداری نے کہا ہے کہ سیلاب متاثرین کی امداد کے لیے قوم کو متحد ہونا پڑے گا۔ الطاف حسین اے این پی اور نواز شریف سمیت تمام سیاسی قوتوں کو ساتھ لے کر چلنا چاہتے ہیں۔صدر زرداری نے گورنر ہاوس کراچی میں عمائدین شہر اور تاجروں سے خطاب میں کہا کہ سیلاب متاثرین کے لیے مزید امداد کی ضرورت ہے۔ عالمی برادری اس مشکل وقت میں بھرپور مدد کررہی ہے۔ صدر نے کہا کہ اتحاد اور یکجہتی سے اس آفت کا مقابلہ کیا جاسکتا ہے ہمیں چیلنجز کو مواقع میں بدلنا ہے۔اسی لئے تمام سیاسی قوتوں کو ساتھ لیکر چلنا چاہتے ہیں۔صدر نے کہا کہ سیلاب زدگان کی امداد کے لئے بلا تفریق کام کرنا ہوگا۔