سیلاب متاثرین کو تنہا نہیں چھوڑیں گے، متحدہ

گھارو: متحدہ قومی موومنٹ کے ڈپٹی کنوینر ڈاکٹر فاروق ستار نے کہا ہے کہ سیلاب متاثرین کو مشکل کی اس گھڑی میں تنہا نہیں چھوڑیں گے۔ گھارو میں خدمت خلق فاؤنڈیشن کے تحت قائم کی گئی خیمہ بستی کے دورہ کے موقع پر بات چیت میں ڈاکٹر فاروق ستار نے کہا کہ سیلاب متاثرین کیلئے ملک بھر میں ایم کیو ایم کا فلاحی ادارہ خدمت خلق فاؤنڈیشن سرگرم ہے۔ انہوں نے کہا کہ متاثرین میں کروڑوں روپے کی امداد تقسیم کی گئی ہے۔ سیلاب متاثرین نے خیمہ بستی بسا کر انہیں عارضی رہائش، کھانے پینے اور زندگی کی دیگر بنیادی ضروریات فراہم کرنے پر قائد تحریک الطاف حسین سے تشکر کا اظہار کیا۔