لاڑکانہ: راشن کی عدم فراہمی پر متاثرین کا احتجاج

لاڑکانہ: لاڑکانہ میں سیلاب متاثرین نے راشن اور طبی سہولتوں کی عدم فراہمی کے خلاف احتجاجی مظاہرے کیے۔ سیلاب متاثرین نے مونو ٹیکنیکل کالج کے سامنے احتجاج کرتے ہوئے لاڑکانہ کراچی قومی شاہراہ پر دھرنا دیا۔ جس کے باعث ٹریفک معطل ہوگئی۔ ان کا کہنا تھا کہ خشک راشن اور طبی سہولتیں فراہم کی جائیں تاکہ متاثرین کو بیماریوں سے بچایا جاسکے۔ میونسپل اسٹیڈیم کیمپ میں انتظامیہ کی جانب سے پکے ہوئے کھانے کی فراہمی بند کئے جانے کے خلاف متاثرین نے احتجاج کیا۔ پولیس نے مظاہرین کو منتشر کرنے کے لیے لاٹھی چارج اور آنسو گیس کا استعمال کیا۔