نقد امداد وفاق تقسیم کرے ،پی پی پنجاب

لاہور: پیپلز پارٹی پنجاب نے الزام لگایا ہے کہ سیلاب زدگان کو بیس ہزار روپے کی امداد پنجاب حکومت کے ذریعے تقسیم کی گئی تو ن لیگ کے کارکن مستحقین کا حق کھا جائیں گے۔لاہور میں ایک نیوز کانفرنس سے خطاب کرتے ہوئے پی پی پی کے صوبائی سیکرٹری فنانس اورنگ زیب برکی نے کہا کہ مسلم لیگ ن کے کارکن جنوبی پنجاب میں مستحقین کے بھیجے جانے والے خیمے، کولر اور دیگر سامان فروخت کررہے ہیں، اس لئے بیس ہزار روپے کی نقد امداد گورنر پنجاب یا نادرا جیسے وفاقی اداروں کے ذریعے تقسیم کی جانی چاہئے۔ اورنگ زیب برکی نے کہا کہ پنجاب حکومت دہشت گردی کنٹرول کرنے میں ناکام ہوگئی ہے، وفاقی حکومت کو چاہیے کہ صوبے میں گورنر راج نافذ کردیا جائے۔