نوشہر وفیروز:پی پی کے دوکارکنوں نے خود کو آگ لگالی

نوشہروفیروز: ایک طرف ملک سیلاب میں ڈوبا ہوا ہے دوسری طرف نوشہروفیروز میں زرعی پانی نہ ملنے پر پیپلز پارٹی کے دو کارکنوں نے خود کو آ گ لگالی۔ ایک کو تشویشناک حالت میں حیدرآباد منتقل کردیا گیا۔نوشہروفیروز کے علاقے ہالانی کے آبادگار پانچ روز سے زرعی پانی نہ ملنے کے خلاف پریس کلب کے سامنے دھرنا دئیے ہوئے تھے اور انہوں نے اعلان کیا تھا کہ مسئلہ حل نہ ہوا تو وہ منگل کو خود سوزی کریں گے تاہم انتظامیہ نے کوئی نوٹس نہیں لیا ، جس پر دو آبادگاروں جانی چانگ علی حیدر چانگ نے احتجاجا خود کو آگ لگا لی۔ انہیں وہاں موجود لوگوں نے بچایا اور اسپتال منتقل کردیا گیا۔ پیپلز پارٹی ہالانی کے رہنماء قادر بخش اور ملوک چانگ نے دھمکی دی ہے کہ اگر پانی نہ چھوڑا گیا تو وہ بھی عید کے روز خودسوزی کریں گے۔