دہشتگردی، تانے بانے سرحد پار سے ملتے ہیں، پولیس

لاہور: لاہور پولیس کے سربراہ اسلم ترین خان نے کہا ہے کہ سانحہ کربلا گامے شاہ سمیت دہشت گردی کے حالیہ واقعات کے تانے بانے سرحد پار سے ملتے ہیں۔وہ لاہور پولیس کی طرف سے سیلاب زدگان کیلئے امدادی سامان کے تینتیس ٹرک بھیجوانے کے موقع پر میڈیا سے گفتگو کر رہے تھے۔ انہوں نے کہا کہ دہشت گرد گروپوں کے تعلقات سرحد پار ہونے کی وجہ سے یہ جنگ طویل ہوتی جارہی ہے۔ سی سی پی او نے کہا کہ لاہور میں ہونے والے دہشت گردی کے بیشتر واقعات کو ٹریس کیا جاچکا ہے۔ ایک سوال کے جواب میں انہوں نے کہا کہ داتا دربار اور کربلا گامے شاہ کے باہر ہونے والے دہشت گردی کے واقعات کی تفتیش میں مثبت پیش رفت ہوئی ہے۔ اسلم ترین خان نے کہا کہ کربلا گامے شاہ کے باہر دہشت گردی کی ذمہ داری کسی تنظیم نے قبول نہیں کی، اس حوالے سے رپورٹس بے بنیاد ہیں۔