سیلاب سے خیرپور ناتھن شاہ میں تباہی

دادو: سیلاب نے خیرپور ناتھن شاہ میں تباہی مچا دی۔ نوے فیصد علاقہ خالی کرا لیا گیا۔ سرکاری عمارتیں اور گرڈ اسٹیشن زیر آب ہیں۔ ریلا بڈھو ٹالپور کے مقام پر سجاول بدین روڈ تک پہنچ گیا۔ خیرپور ناتھن شاہ کے علاقے بید میں ایک ہزار سے زائد افراد اب تک پانی میں پھنسے ہیں۔ انتظامیہ نے اب تک کسی طرح کا ریسکیو آپریشن شروع نہیں کیا۔ خیرپور ناتھن شاہ کے متعدد علاقے پانی میں ڈوبے ہیں۔ خیرپور ناتھن شاہ کا گرڈ اسٹیشن زیر آب ہے اور دس ملازمین عمارت میں پھنسے ہیں۔ خیرپور ناتھن شاہ کا نوے فیصد علاقہ خالی کرا لیا گیا۔ آبی ریلہ سیپا شہر کی جانب بڑھ رہا ہے۔ انتظامیہ نے جوہی کینال میں تین مقامات پر شگاف لگائے ہیں۔ جس سے پانی کو منچھر جھیل کی طرف موڑ دیا گیا۔ ٹھٹھ میں کوٹ عالمو میں پڑنے والا شگاف اب تک پر نہیں کیا جا سکا۔ جاتی شہر مکمل زیر آب ہے۔ سجاول میں بھی پانی کی سطح مسلسل بلند ہورہی ہے۔ پانی کا ریلہ بڈھو ٹالپور کے مقام پر سجاول بدین روڈ تک پہنچ گیا۔ علاقے سے لوگوں کی نقل مکانی جاری ہے۔ محصور افراد کو نکالنے کیلئے ریسکیو آپریشن بھی کیا جا رہا ہے۔ شہداد کوٹ میں پانی کی سطح بتدریج کم ہورہی ہے۔ نقل مکانی کرنے والے متاثرین نے واپسی شروع کردی۔ متعدد دکانیں اور بازار بھی کھل گئے ہیں۔ حکومت متاثرین کو ایک وقت کا کھانا فراہم کر رہی ہے۔