ایران سے امدادی طیارہ پاکستان آئیگا،مصطفی نجار

اسلام آباد: ایرانی وزیرداخلہ مصطفی نجار نے کہا ہے کہ ایران سے طیارہ امداد لے کر پاکستان آئے گا۔اسلام آباد میں وزیرداخلہ رحمان ملک کے ساتھ مشترکہ طور پر صحافیوں سے گفتگو کرتے ہوئے مصطفی نجارنے کہا ہے کہ مشکل کی اس گھڑی میں پاکستانی حکومت اور عوام کے ساتھ ہیں۔ان کاکہنا تھا کہ ایرانی حکومت پاکستانی حکومت اور بھائیوں کی مدد کے لئے تیار ہے۔امت مسلمہ کو سیلاب متاثرین کی مدد کرنی چاہیے۔ اس موقعے پر وزیرداخلہ رحمان ملک نے کہا ہے کہ ایران کی لیڈر شپ کے شکر گزار ہیں۔