جاگیرداروں کے گرد گھیرا تنگ کیا جائیگا، الطاف

کراچی: متحدہ قومی موومنٹ کے قائد الطاف حسین نے کہا ہے کہ اسٹیبلشمنٹ اور فوج عوامی انقلاب کا ساتھ دیں۔ ملکی دولت لوٹنے والوں کو چوراہوں پر لٹکائیں گے۔کراچی میں ایم کیوایم کی رابطہ کمیٹی کے ڈپٹی کنونئرانیس قائم خانی کی کتاب،میراقائد، کی تقریب رونمائی سے خطاب کرتے ہوئے الطاف حسین نے کہا کہ جب صدائے حق بلند کی جائے گی تولوگ بلبلائیں گے۔ انہوں نے کہا کہ پاکستان میں فرانس جیسا انقلاب دستک دے رہا ہے جس کی قیادت متحدہ قومی مووومنٹ کرے گی۔انقلابی جاگیردار اوروڈیروں،جاگیرداروں ، کو بھاگنے نہ دیں ملک کے ایئر پورٹس اورملکی دولت لوٹنے والوں کے گھروں کا گھیراؤ کیا جائے۔ قرضے معاف کرانے والوں کی جائیدادیں ضبط کرکے ملکی خزانے میں جمع کرائی جائیں گی اور انہیں چوراہوں پر سولی پر لٹکایا جائے گا۔ الطاف حسین نے کہا کہ سیلاب کے ستائے عوام کوعید کی خوشیوں میں یاد رکھا جائے کارکنان اس بات کی کوششیں ضرور کریں کہ متاثرین کے بچوں کوعید پر اجلے کپڑے ضرور فراہم کئے جائیں۔