کراچی والے زیادہ جاگیردارانہ سوچ رکھتے ہیں، ذوالفقارمرزا

کراچی: وزیر داخلہ سندھ ذوالفقار مرزا نے کہا ہے کہ سندھ کے سیلاب متاثرین صوبے کے اصل مالک ہیں اور انہیں کراچی میں آباد ہونے کا پورا حق ہے، متاثرین کو کراچی میں پلاٹ دیئے جائیں گے۔آج نیوز سے خصوصی انٹرویو میں ذوالفقار مرزا نے کہا کہ اپوزیشن نے سیلاب سے متاثرہ علاقے خالی نہیں کرنے دیئے اور متاثرہ علاقوں میں لوگوں کو روکے رکھا، متاثرین کی کراچی آمد پر اتحادیوں کو تحفظات نہیں۔ ذوالفقار مرزا نے کہا کہ کراچی والے زیادہ جاگیردارانہ سوچ رکھتے ہیں کراچی کا چھوٹے سے چھوٹا صنعت کار سندھ کے مستحکم زمیندار سے زیادہ امیر ہے۔ ایک سوال پر ذوالفقار مرزا نے کہا کہ یوم علی پر دہشت گردی کا مقصد بولٹن مارکیٹ کی طرز پر کارروائی کرنا تھی۔ذوالفقار مرزا نے کہا کہ وہ کام کرنے پر یقین رکھتے ہیں اور رحمان ملک میڈیا فرینڈلی ہیں وہ بڑے لوگوں سے بات کرنے کراچی آتے ہیں۔