سیلاب زدگان کیلئے ایک ایک لاکھ روپے معاوضے کا مطالبہ

مظفرگڑھ: پاکستان مسلم لیگ ن کے قائد نواز شریف نے کہا ہے کہ وفاقی حکومت سیلاب زدگان کو ایک ایک لاکھ روپے معاوضہ دے۔ مظفر گڑھ میں سیلاب سے متاثرہ علاقے کے دورے کے موقع پر نواز شریف نے کہا کہ وہ آخری فرد کی بحالی تک متاثرہ علاقوں میں آتے رہیں گے، انکی کوشش ہے کہ عید سے پہلے زیادہ سے زیادہ متاثرین کو معاوضے کی رقم پہنچے۔ انہوں نے بتایا کہ سعودی عرب کی طرف سے ہر ہفتے بتیس امدادی ٹرک بھیجنے کا سلسلہ جاری ہے۔ انہوں نے سعودی فرمانروا شاہ عبداللہ کا بھی شکریہ ادا کیا جن کے نمائندے سیلاب زدہ علاقوں میں امداد کیلئے موجود ہیں۔