کراچی: سانحہ لاہور کیخلاف احتجاج

کراچی: سانحہ لاہور کے خلاف کراچی میں احتجاج کا سلسلہ جاری ہے کراچی نیشنل ہائی وے دو گھنٹے تک بلاک رہنے کی وجہ سے ہزاروں افراد مشکل میں پھنس گئے۔ امامیہ اسٹوڈنٹس آرگنائزیشن اور مجلس وحدت مسلمین تحت جعفر طیار سوسائٹی ملیر سے ایک احتجاجی ریلی نکالی گئی شرکاء نے ملیر سٹی پر نیشنل ہائی وے بلاک کردیا۔ مظاہرین نے سانحہ لاہور میں ملوث ملزمان کی فوری گرفتاری کا مطالبہ کیا۔ نیشنل ہائی وے بلاک ہونے کے باعث گاڑیوں کی کئی کلو میٹر طویل قطاریں لگ گئیں جس سے دفاتر جانے والوں کو شدید مشکلات کاسامنا کرنا پڑا۔ مجلس وحدت مسلمین نے دو روزہ سوگ اور مختلف مقامات پر احتجاج کا اعلان کیا ہے۔