طیارہ حادثہ: انشورنس کمپنی معاوضہ اداکریگی

لندن: اسلام آباد میں تباہ ہونے والا ائیر بلیو کا بدقسمت طیارہ معروف انشورنس کمپنی کیٹلن گروپ لمیٹڈ سے پوری طرح انشورڈ ہے، جو نہ صرف ایئر لائن بلکہ مسافروں اور ان کے سامان کا معاوضہ ادا کرنے کی بھی پابند ہے۔ برمودا میں قائم کیٹلن کمپنی کے ترجمان نے لندن میں بتایا کہ ان کی کمپنی ایئر بس کی سب سے بڑی انشورر ہے، تاہم دوسری انشورنس کمپنیاں بھی شریک ہیں۔ انشورنس ایسوسی ایشن آف پاکستان کے چیئرمین طاہر احمد کا کہنا ہے کہ جاں بحق ہونے والوں کے ورثہ کو بیمہ کی رقم کی ادائیگی میں کوئی مشکل نہیں ہونا چاہئے۔ ان کا کہنا تھا کہ اس سلسلے میں سول ایوی ایشن کے قوانین بڑے واضح ہیں۔ انشورنس ایسوسی ایشن آف پاکستان کے چیئرمین کا کہنا تھا کہ ورثہ کے لئے سب سے اہم مرحلہ اپنی شناخت اور شواہد فراہم کرنا ہیں، جس کی تکمیل پر انھین آسانی سے چیک فراہم کئے جا سکتے ہیں۔