پاکستان پردہشتگردی کی ذمہ داری ڈالنا قبول نہیں،قریشی

کراچی: وزیر خارجہ شاہ محمود قریشی نے کہا ہے کہ پاکستان پر دہشت گردی کی تمام ذمے داری ڈالنا قابل قبول نہیں، ڈیوڈ کیمرون کے بیان پر سخت حیرت ہوئی جس طرح پاکستان، بھارت کے تحفظات کا احترام کرتا ہے اسی طرح بھارت پر لازم ہے کہ وہ بھی پاکستان کے تحفظات کا احترام کرے۔ کراچی آرٹس کاؤنسل میں ترکی میں پانچویں یوتھ کانگریس میں شرکت کے لئے جانے والے پاکستانی نوجوانوں کے اعزاز میں الوداعی تقریب ہوئی۔ تقریب کے بعد میڈیا سے بات کرتے ہوئے وزیر خارجہ نے کہا کہ شاہ محمود قریشی نے کہا دونوں ملکوں کو ایک دوسرے کے تحفظات کا احترام کرنا چاہئے۔ وزیر خارجہ نے اس سوال کا جواب نہیں دیا کہ افغان صدر حامد کرزئی نے نیٹو سے پاکستانی حدود میں حملوں کا مطالبہ کیا ہے ان کا کہنا تھا کہ پاکستان کی سرحدی پالیسی کے نتیجے میں نامی گرامی لوگ پاکستان سے بھاگنے پر مجبور ہوئے۔