بینظیرقتل، رپورٹ کا انتظار کیا جائے، رحمان

کراچی: وزیر داخلہ رحمان ملک نے کہا ہے کہ بے نظیر بھٹو قتل کیس کی تحقیقات میں اہم پیش رفت ہوئی ہے۔ تفصیلات بتا کر اقوام متحدہ کی تحقیقات سبوتاژ نہیں کرنا چاہتا۔ کراچی میں پیر پگارا سے ملاقات کے بعد میڈیا سے بات چیت میں رحمان ملک نے کہا کہ پاکستانی اداروں نے بے نظیر قتل کیس پر پیش رفت کی ہے۔ انہوں نے کہا کہ ایجنسیاں مجرموں کے قریب پہنچ چکی ہیں، تفصیلات سے جلد میڈیا کو آگاہ کیا جائے گا۔ رحمان ملک نے کہا کہ ڈاکٹر عافیہ کا ایک بچہ جہاں سے ملا، باقی دو بھی وہیں سے ملیں گے، اس سلسلے میں صدر کرزئی سے بات چیت جاری ہے۔ وزیر داخلہ نے کہا کہ کراچی میں ٹارگٹ کلنگ میں ملوث افراد کو وارننگ دے دی ہے۔ انہوں نے کہا کہ سندھ کی اتحادی جماعتوں میں ڈیڈ لاک نہیں۔