لاہور: گرمی کا اڑتیس سالہ ریکارڈ ٹوٹ گیا

لاہور:  طویل خشک موسم نے ملک بھر میں گرمی کی شدت میں اضافہ کردیا ہے،لاہور میں مارچ کے مہینے میں گرمی کا اڑتیس سالہ ریکارڈ ٹوٹ گیا، درجہ حرارت سینتیس ڈگری سینٹی گریڈ ہوگیا۔محکمہ موسمیات کے مطابق اتوار کے روز لاہور کا زیادہ سے زیادہ درجہ حرارت سینتیس ڈگری ریکارڈ کیا گیا جس کے بعد لاہور میں مارچ کے مہینے میں گرمی کا اڑتیس سالہ ریکارڈ ٹوٹ گیا۔ اس سے قبل انتیس مارچ انیس سو باہتر کو لاہور میں زیادہ سے زیادہ درجہ حرارت چھتیس ڈگری سینٹی گریڈ ریکارڈ کیا گیا تھا۔ نواب شاہ چوالیس اعشاریہ پانچ سینٹی گریڈ کے ساتھ ملک کا گرم ترین مقام رہا۔ کراچی کا زیادہ سے زیادہ درجہ حرارت چالیس، حیدرآباد بیالیس اعشاریہ پانچ، چھور، لسبیلہ تینتالیس،اسلام آباد چونتیس، لاہور چھتیس، ملتان سینتیس، مری چوبیس اعشاریہ چار، مظفرآباد ، پشاور چونتیس اعشاریہ چھ اور ٹوبہ ٹیک سنگھ کا درجہ حرارت چھتیس سینٹی گریڈ ریکارڈ کیا گیا۔ محکمہ موسمیات کا کہنا ہے کہ اگلے چوبیس گھنٹے کے دوران پورے ملک کا موسم مزید گرم ہونے کا امکان ہے۔