سندھ :راجستھانی ہوائیں ،درجہ حرارت میں اضافہ

کراچی : بھارتی ریاست راجستھان سے گرم ہوائیں متواتر پاکستان کے ساحلی علاقوں میں داخل ہو رہی ہیں جس سے کراچی سمیت سندھ بھر کا درجہ حرارت تیزی سے بڑھ رہا ہے۔لاہور میں محکمہ موسمیات کے مطابق ملک بھر میں ہر آنے والا دن پہلے سے زیادہ گرم ہوتا جا رہا ہے۔ کراچی کا زیادہ سے زیادہ درجہ حرارت بیالیس اعشاریہ دو، حیدرآباد اکتالیس، نوابشاہ تینتالیس، گوادر سینتیس اعشاریہ پانچ، لسبیلہ بیالیس، قلات ستائیس، کوئٹہ اکتیس، اسلام آباد چونتیس اعشاریہ پانچ، لاہور پینتیس، ملتان پینتیس اعشاریہ چار، مری تیئس، استور انیس اعشاریہ پانچ، چلاس تیس، گلگت اٹھائیس اعشاریہ پانچ، ہنزہ بائیس، بنوں چونتیس، پشاور تینتیس اعشاریہ پانچ اور اسکردو کا زیادہ سے زیادہ درجہ حرارت بیس اعشاریہ آٹھ سنٹی گریڈ ریکارڈ کیا گیا۔ محکمہ موسمیات کا کہنا ہے کہ اگلے چھتیس گھنٹوں کے دوران گرمی مزید بڑھنے کا امکان ہے جبکہ موسم بدستور خشک رہے گا۔