پنجاب حکمران اپنےایجنڈے کی وضاحت کریں، شجاعت

گجرات: مسلم لیگ ق کے صدر چوہدری شجاعت حسین نے کہا ہے کہ پنجاب کے حکمران واضح کریں کہ وہ کس کے ایجنڈے پر کام کر رہے ہیں۔ شہباز شریف کے طالبان حملوں سے متعلق بیان پر تبصرہ کرتے ہوئے انہوں نے کہا کہ وزیر اعلٰی پنجاب کے بیان سے ان کی پاکستان کے ساتھ محبت اور عوامی خلوص کھل کر سامنے آ گیا ہے۔ ان کا کہنا تھا کہ پورا ملک اس وقت دہشت گردی کا شکار ہے اور ان حالات میں اس نوعیت کے بیان سے دوسرے صوبوں کے عوام کے جذبات مجروح ہوئے ہیں۔ چوہدری شجاعت حسین نے کہا کہ پنجاب کے حکمرانوں کو تمام صوبوں کے عوام کو پاکستانیت کی نظر سے دیکھنا چاہیے۔