سوات:کمانڈر سمیت تین شدت پسند ہلاک

سوات: سوات میں سیکورٹی فورسز سے جھڑپ میں تین شدت پسند ہلاک اور سرچ آپریشن کے دوران متعدد مشتبہ افراد گرفتار کرلئے گئے۔ سوات کی تحصیل خوازہ خیل میں سیکورٹی فورسز سے جھڑپ میں شدت پسند کمانڈر نصیب اللہ عرف ذاکر مارا گیا۔ ذرائع کا کہنا ہے کہ اس جھڑپ میں شدت پسند کے دو ساتھی خالد اور باچا خان بھی ہلاک ہوئے۔ سیکورٹی فورسز کو اطلاع ملی تھی کہ خوازہ خیلہ کے گاوٴں ڈمبرہ میں ایک کنویں میں شدت پسندوں نے غار بنا رکھے ہیں جہاں وہ چھپے ہوئے ہیں۔ اس اطلاع پر فورسز نے کارروائی کرکے مینگورہ خودکش حملوں کے ماسٹر مائنڈ اور اس کے دو ساتھیوں کو ہلاک کردیا۔ سوات کے علاقے اسلام پورہ میں سرچ آپریشن کے دوران متعدد مشتبہ افراد کو گرفتار کرلیا گیا۔