مینگورہ خودکش حملہ: 14افردسپردخاک

سوات: مینگورہ میں گزشتہ روز خودکش حملے میں جاں بحق چودہ افراد سپرد خاک کردیئے گئے۔ سوات کے شہر مینگورہ میں گزشتہ روز سیکورٹی چیک پوسٹ کے قریب خودکش حملے میں چودہ افراد جاں بحق اور باون زخمی ہوگئے تھے۔ خودکش دھماکے کے بعد مینگورہ میں فضاء سوگوار ہے۔ لوگ شہدا کے گھروں پر جاکر فاتحہ خوانی کر رہے ہیں۔ شہر میں سیکورٹی کے انتظامات سخت کردیئے گئے ہیں اور تمام شاہراہوں پر سیکورٹی اہلکار گاڑیوں اور پیدل آنے جانے والوں کی تلاشی لے رہے ہیں۔ مقامی لوگوں کا کہنا ہے کہ ان کے حوصلے بلند ہیں اور ضرورت پڑی تو دہشت گردی کا مقابلہ کرنے کیلئے وہ مزید قربانیاں بھی دیں گے۔