دریاوٴں سے متعلق آگاہی کادن

اسلام آباد: آج دنیا بھر میں دریاوٴں کے بارے میں آگاہی اور ان پر منحصر عوام کے حقوق کا عالمی دن منایا جارہا ہے۔ یہ دن ہر سال چودہ مارچ کو اس عزم سے منایا جاتا ہے کہ دنیا بھر میں دریاوٴں کی خصوصی حفاظت ہونی چائیے اور ان تمام افراد کے حقوق کے تحفظ کے بارے میں زیادہ سے زیادہ شعور اجاگر کیا جائے جو ان دریاوں پر منحصر زندگی گزار رہے ہیں۔ دنیا بھر میں ہمارے دریا، ہمارے حقوق کے نعرے تلے لوگوں کو اکٹھا کرنے کی کوشش کی جاتی ہے۔ مختلف ممالک میں اس دن کے حوالے سے کانفرنسز، سیمینارز اور دیگر ایسے پروگراموں کا انعقاد کیا جاتا ہے جس سے لوگوں میں دریاوٴں اور ان پر بننے والے ڈیموں سے متاثر ہونے والے افراد کے حقوق پر آگائی پیدا کرنے کی کوشش کی جاتی ہے۔