بعض عناصر کراچی میں اسلحہ ذخیرہ کر رہے ہیں، متحدہ

کراچی: ایم کیو ایم رابطہ کمیٹی نے کہا ہے کہ بعض عناصر کراچی میں مسلح کارروائیوں کے لیے اسلحہ ذخیرہ کر رہے ہیں۔رابطہ کمیٹی کی جانب سے جاری ہونے والی پریس ریلیز میں ڈی آئی جی ایسٹ ڈاکٹر عباس رضوی کے خط کا حوالہ دیتے ہوئے کہا گیا ہے کہ کراچی میں عزیزبھٹی تھانے ، سچل تھانے اور مبینا ٹاؤن تھانے کی حدود میں بعض عناصر مسلح کارروئیوں کے لیے اسلحہ ذخیرہ کر رہے ہیں۔ رابطہ کمیٹی نے امن و امان کی صورتحال تباہ کرنے کی سازش کا فوری نوٹس لینے کا مطالبہ کیا ہے۔