لاہور خودکش حملے، مزیدچار زخمی چل بسے

لاہور: لاہور کینٹ کے علاقے آر اے بازار میں خودکش حملوں میں زخمی ہونے والے چار افراداسپتال میں دم توڑ گئے،جاں بحق ہونے والوں کی تعداد اکسٹھ ہو گئی۔آر اے بازار میں ہونے والے دو خودکش حملوں میں ستاون افراد جاں بحق اور سو سے زائد زخمی ہوئے تھے جن میں سے متعدد کمبائنڈ ملٹری اسپتال میں زیر علاج ہیں اتوار کے روز چار زخمی سی ایم ایچ میں دم توڑ گئے جن میں اقرار حسین ہری پور،ادریس جڑانوالہ،غلام فرید اور ایک پینتالیس سالہ نامعلوم شخص شامل ہے جس کے بعد شہدا کی تعداد اکسٹھ ہو گئی ہے۔