لاہور: سترہ غیرملکی گرفتار

لاہور: لاہور میں پولیس نے کریک ڈاون کرکے غیر قانونی طور پر مقیم سترہ غیر ملکیوں کو گرفتار کرلیا ہے۔ پولیس کے مطابق شہر کے مختلف مقامات پر چھاپے مار کر غیر قانونی طور پر مقیم سترہ غیر ملکیوں کو گرفتار کرکے ان کے خلاف فارن ایکٹ کے تحت مقدمہ درج کیا گیا ہے۔ پولیس کا کہنا ہے کہ کینٹ کے خودکش دھماکوں کے بعد شہر بھر میں غیر ملکیوں اور مشتبہ افراد کے خلاف ہفتے کی رات کریک ڈاوٴن کیا تو اس دوران متعدد مشتبہ افراد کو حراست میں لیا گیا جن میں سترہ غیر ملکی بھی شامل تھے جن کا تعلق افغانستان سے ہے۔ ابتدائی تفتیش کے بعد کچھ مشتبہ افراد کو مقامی افراد کی ضمانت پر چھوڑ دیا گیا جبکہ گرفتار غیر ملکیوں سے تفیتش کی جارہی ہے۔