لاہور دھماکے، سعودیہ کی مذمت

اسلام آباد: سعودی عرب نے لاہور بم دھماکوں کی مذمت کرتے ہوئے دہشت گردی کے خلاف پاکستان کی کوششوں کو سراہا ہے۔ پاکستان میں سعودی عرب کے سفیر عبدالعزیز نے اسلام آباد میں وزیر داخلہ رحمان ملک سے ملاقات کی۔ بات چیت کے دوران وزیر داخلہ نے کہا کہ پاکستان سعودی عرب سے تعلقات کو انتہائی اہمیت دیتا ہے۔ دونوں ملکوں کے تعلقات مثالی ہیں اور سعودی عرب نے ہمیشہ پاکستان کی مدد کی ہے۔ ان کا کہنا تھا کہ سعودی عرب اور پاکستان دونوں دہشت گردی کا شکار ہیں۔ دونوں ممالک کی قیادت اور عوام نے دہشت گردوں کے سامنے نہ جھکنے کا عزم کیا ہے۔